مافيش بيت تقريبا مش بيجيب الكاتشاب ودايما الأولاد يقولوا مش هناكل الا لو فيه كاتشب
طيب ايه رأيكم بقى لو عملنا الكاتشاب بنفينا ونبقى ضمنين كل حاجه فيه ومافيهوش مواد حافظة.
نجيب كوباية صلصة طماطم ونحط عليها الخل والسكر ونقلبهم مع بعض ونحط في حلة على النار ونسيبها تغلي ونتبله بالملح والفلفل والبصل البودر بس مانحطش توابل كتيرلأنه أصلا بيكون طعمه مسكر شوية.
نجيب كوبايتين مايه باردين وندوبهم فيهم معلقة كبيرة من النشا على البارد وبعدين نضيفهم على لصلصة ونقلبهم ونسيبهم يغلو على النار كويس لحد ما يبدأ القوام بتاعهم يتقل ويستوي.
نرفعهه من على النار ونتركه يبرد خالص وبعدين نحطه في إزازة الكاتشاب ونحتفظ بيه في الثلاجة لوقت اللي نستخدمهم فيه .. وبالهنا والشفا على قلبكم .....
ليست هناك تعليقات:
إرسال تعليق