مشهور دايما العيش الكيزر بانه عيش الهمبورجر رغم انه ممكن يتعمل بيه أي سندوتشات تانيه
بس هو عيش خفيف ولذيذ وكمان لو ضفناله على الوش سمسم أو حبة البركة بيديله فعلا مذاق لذيذ جدا .
إزاي نعمل الخبز الكيزر
في طبق كبير وغويط هنحط 3 كوبايات دقيق ونضيف عليهم معلقة ونص كبيرة خميرة فورية ورشة ملح وملعقة كبيرة سكر ونقلبهم معا.
نضيف 3 ملاعق كبيرة زيت ذرة ونخلطهم كويس بالدقيق وبعدين نضيف مايه دافيه على الدقيق ونعجن كل المقادير لحد ما تتككون عجينة متماسكة وطرية ومش بتلصق في الايد.
نغطي العجينة ونتركها تخمر كويس لحد ما تتضاعف حجمها.
نقسم العجينة كرات بأحجام متساوية ونكورها ونرصها في صينية الخبز تكون مدهونه بزيت قليل أوي وبعدين ندهن وش العيش ببيضة مخفوقة ونرش على الوجه سمسم أو حبة لبركة ونسيبها تخمر مره تانيه قبل ما نخبزها.
نحط الصينية في الفرن علىدرجة حرارة 220 درجة مئوية لحد ما يستوي ويحمر .. وبالهنا والشفا على قلبكم .............
ليست هناك تعليقات:
إرسال تعليق