كل الأولاد بيحبوا البيتزا ودايما يطلبوها من مامتهم في البيت
وكتير كمان ماما تعمل البيتزا ونرجع نقول لا دي مش حلوه زي بتاعة برا
طيب جربوا بقى الطريقة دي وشوفوا هتطلع أحلى من بتاعة المحلات كمان ولا لأ
هتجيبي 4 كوب دقيق ونضيف عليهم 4 ملعقة صغيرة من الخميرة الفورية وملعقة صغيرة ملح وملعقة كبيرة سكر ونقلبهم كلهم مع بعض.
بنجيب 4 ملعقة زيت زيتون أو ذرة أو أي زيت نباتي ونقلبهم في الدقيق وبعدين نجيب مايه دافيه دي بتكون مالهاش عيار ثابت لأنها على حسب نوع الدقيق بيمتص المايه ازاي ونضيف المايه بالتدريج وبالراحة ونفضل نعجن لحد ما تتكون معانا عجينة طرية ومتماسكة ومابتلصقش في الايد
نحط العجينة في بولة كبيرة مدهونه بالزيت ومرشوش بالدقيق ونغطي وش العجينة برشة دقيق ونغطيها ببلاستيك ونسيبها في مكان دافي لحد ما تخمر كويس وحجمها يتضاعف .
بعد ما تخمر العجينة بنفردها بسمك حسب رغبتكم فيه بيحبوا العجينة تخينة وفيه بيحبوها رفيعه وندهن وش العجينة بصلصة البيتزا وبعدين نحط أي حاجه بتحبوها في الحشوة (فراخ - لحمة - تونة - سجق) وممكن جبن بس ونرش على الوجه حبنة رومي وجبنة موتزاريلا .
نحط البيتزا في الفرن على درجة حرارة 200 درجة مئوية لحد ما تحمر من تحت بسيط نطلعها من الفرن .. وبالهنا والشفا على قلبكم ..
ليست هناك تعليقات:
إرسال تعليق