الله على البامية مع اللحمة الضاني فعلا بتديها طعم تحفة ولذيذ جدا تحسي انك هتاكلي صوابعك وراها
بس طبعا لو فيه ناس مش بتحب طعم الضاني في الاكل ممكن نعملها بلحمة بتلو أو كندوز حسب اللي عندك واللي بتحبيه.
الاول بتجيبي بصلة كبيرة وتفرميها بس فرم خشن وتشوحيها على النار مع ملعقة سمنة لحد ما تطرى وبعدين تحطي عليها كيلو اللحمة وتشوحيها لحد ما لونها يتغير ونتبلها بالملح والفلفل والحبهان وورق اللورا وبعدين نحط 3 معالق كبيرة صلصة طماطم ونقلبها مع اللحمة.
نحط معلقة صغيرة مليانه ثوم مفروم ونقلبه مع اللحمة ونحط عصير الطماطم ونسيب اللحمة تغلي في عصير الطماطم وتستوي كويس.
بعد أن تتسبك الطماطم وتستوي اللحمة نضع البامية مع كمية من الفلفل الألوان أو الفلفل الرومي أو الأخضر ونتركها تغلي مع اللحمة ونضيف كوب ماية ونسيبها تغلي.
بعد كده نحط كل المقادير في طاجن فرن ونحط الطاجن في الفرن على درجة حرارة 180 درجة مئوية لحد ما تستوي وتتشمع المكونات كلها مع بعض .. وبالهنا والشفا على قلبكم ...............
ليست هناك تعليقات:
إرسال تعليق