الكشري النصري أشهر الاكلات المصرية الشعبية والتي يذاع صيتها في العالم العربي والغربي انها من أطعم وأشهى الاكلات في مصر
بيتكون الكشري المصري من عدة مكونات العدس البني مع الأرز والشعيرية والمكرونة وأحيانا البعض يفضل إضافة حمص الشام أيضا أخيرا البصل المحمر على الوجه للإضافة نكهة قوية للكشري.
يُقدم مع الكشري أيضا صلصة الطماطم المتبله بالخل والكمون مع دقة الثوم بالخل والكمون وكثيرين من يفضلونه أيضا مشطشط يعني بالشطة الحارة.
مكونات الكشري :
1 كوب عدس.
1 كوب أرز أبيض مصري.
1/2 كوب شعيرية.
كيس مكرونة صغيرة.
1 كوب حمص الشام مسلوق.
بصل.
زيت.
إزاي بقى نعمل الكشري:
الأول لازم نكون نقعين العدس الأسمر ساعتين على الأقل في ماء سخن ونصفيه كويس.
بنجيب حله كبيرة ونحطها على النار ونضع فيها ملعقتين زيت ونضع بصل كبيرة مقطعه مكعبات صغيرة ونشوحها في الزيت حتى تطرى وبعدين نحط عليه العدس البني بعد ما نصفيه جيدا من الماء ونشوحه العدس مع البصل ونضع عليه كوب من الماء ونتركه يغلي ويشرب الماء.
في طاسه على النار نضع ملعقة من الزيت ونضع الشعيريه ونحمرها ثم نضع عليها الأرز ونشوحهم لثواني على النارثم نضيفهم على العدس في الحله ونقلبهم معا ونضيف ماء مساوي لكمية الارز ونقلبه ونترك المايه تغلي وبعدين نوطي النار ونغطيه ونسيبه لحد مايستوي.
في حله تانيه على النار نحط كمية من المايه ونملحها علشان نسلق المكرونة.
في الطاسه اللي حمرنا فيها الشعيريه والأرز نحطكمية من الزيت ونحط بصل مقطعه جوانح رفيعه ونحمرها حتى يغمق لونها ثم نصفيها من الزيت ونتركها على مناديل تصفي الزيت الزياده منها.
بعد ما تتسلق المكرونة نصفيها ونشطفها وبعدين نحط ملعقة صغيرة في الحلة ونضع المكرونة ونضع عليها كمية من البصل المحمر ونقلبهم مع بعض.
الحمص لازم يكون مسلوق كويس وقبل السلق يتحط في مايه مغليه 4 ساعات على الأقل ويفضل 12 ساعه.
وعلشان تعمل الدقة بنحط ملعقة كبيرة من الثوم مع كمية من الخل وعصير ليمونتين ونخففهم بماء سلق الحمص ونقلب كل المكونات معا.
وعلشان نعمل الصلصة في حلة على النار بنحط ملعقة من الزيت ونحط عليها ملعقة ن الثوم ونشوح الثوم في الزيت وبعدين نحط عليهم ملعقة كبيرة خل وبعدين عصير طماطم ونقلبهم ونتركهم يغلوا ويتسبكوا.
عند التقديم بنحط الأول طبقة من الأرز والعدس ثم طبقة من المكرونة قم طبقة من الحمص وعليهم رشة من البصل المحمر ويقدم مع الدقة والصلصة ... وبالهنا والشفا على قلبكم .........
ليست هناك تعليقات:
إرسال تعليق