لو عاوزه تعمل أحلى ملوخية مصري تعالي نقولك على الطريقة
**********************
أولا تجيبي كيلو ملوخية تقطفيها وتغسليها كويس اكتر من مره لحد ما تلاقي المايه نضفت خالص.
وبعدين ما تغسليها تفرشيها على أي فوطة كبيرة وتسبيها في الهوا لحد ما تنشف كويس علشان ماتمزقش معاكي بعد كده.
بعد كده تخرطيها لحد ما تنعم كويس ويُفضل بالمخرطة لأن الكبة بتخلي ليها عرق طويل مش لذيذ.
بعدين تحطي كوب شوربة في إناء على النار وماتكتريش الشوربة علشان ماتسقطش الملوخية منك.
وتفرمي بصلة صغيرة وتحطيها تغلي في الشوربة وتحيها ملعقة ثوم وشوية كسبرة ناشفه وتخلي المرقة تغلي كويس.
حطي بعد كده الملوخية وقلبيها في المرقة واطفي النار ماتخليهاش تغلي.
هاتي طاسه حطيها على النار ووحطي فيها ملعقة سمنة وسيبيها تسيح وهاتمي ملعقة ثوم مفروم وشوحيها في السمن وبعدين حطي عليها ملعقة كسبرة ناشفة وقلبيهم مع بعض لحد ما التوم يحمر .
ارفعي الطاسه من على النار وحطي الثومة المحمرة على الملوخية وغطيها بسرعه وانتي بتشهقي وسيبيها متغطيه واتاكدي انك طافيه النار.
وقت التقديم سخنيها بس بدون ما تغلي ولا تغطيها .. وبالهنا والشفا ..............،
ليست هناك تعليقات:
إرسال تعليق